Башҡортостан Башлығы яңы етәксе тәғәйенләү тураһында белдерҙе
Башҡортостан Башлығы Радий Хәбиров хөкүмәттең оператив кәңәшмәһендә ҡала советы ҡарары менән Салауат ҡалаһы мэры Альберт Моталовтың вәкәләттәрен туҡтатыу тураһында әйтте. Ул үҙ теләге менән вазифаһын ҡалдырҙы.
– Ул командала ҡала. Беҙҙә билдәләнгән тәртиптә кадрҙар тураһында ҡарарҙар ҡабул ителә. Яҡын арала Салауат ҡалаһы етәксеһе менән таныштырырбыҙ, – тип вәғәҙәләне Радий Хәбиров.
Әлеге ваҡытта ҡала хакимиәте башлығы вазифаһын беренсе урынбаҫар Артур Рундау башҡара.