Республикала урман хужалығы министры урынбаҫары тәғәйенләнде
Башҡортостан хөкүмәте премьер-министры бойороғо менән Альберт Закиров республиканың урман хужалығы министры урынбаҫары итеп тәғәйенләнде.
Ул 1984 йылда Дәүләкәндә тыуған. «Урман хужалығы инженеры» белгеслеге буйынса Башҡорт дәүләт аграр университетын тамамлаған. 2016 йылдан Урман хужалығы министрлығында эшләй, 2017 йылдан 2025 йылдың 29 ғинуарына тиклем урмандарҙы файҙаланыу һәм тергеҙеү, дәүләт урман реестрын алып барыу бүлеге етәксеһе вазифаһын биләй.