Италия һәм Башҡортостан йүнселдәре форумдың һуңғы эш көнөндә бәләкәй һәм урта эшҡыуарлыҡты яҡлау, инвестиция һалыу кеүек темаларға фекер алышты.

Ултырыштың йомғаҡлау өлөшөндә Башҡортостан Хөкүмәте Премьер-министры Азамат Илембәтов сығыш яһаны, сараның һөҙөмтәле үтеүен, ауыл хужалығы продукцияһын етештереү һәм эшкәртеү, машина эшләү, ағас эшкәртеү, фармацевтика, медицина йүнәлешендә фәһемле һөйләшеү булыуын билдәләне.
– Ике арала хеҙмәттәшлекте үҫтереү өсөн мөһим аҙым яһалды, – тине Азамат Фәттәх улы.
Ултырышта шулай уҡ Италияның Мәскәүҙәге илсеһе Антонио Дзанарди Ланди, Рәсәйҙең Сауҙа-сәнәғәт палатаһы вице-президенты А. В. Захаров, итальяндар яғынан эшсе төркөмдөң рәйестәше П. Чели, Рәсәйҙең Италиялағы Сауҙа вәкиле Н. О. Шенгели осрашыуҙың әһәмиәте хаҡында һөйләне.
Һуңынан протоколға, килешеүгә, меморандумға ҡул ҡуйылды.