Башҡортостан етәксеһе Радий Хәбиров быйыл ғинуарҙа Рәсәй төбәктәре башлыҡтарының йоғонто яһау рейтингында юғарыраҡ баҫҡысҡа күтәрелде.

“Сәйәси һәм иҡтисади коммуникациялар агентлығы” белгестәре үткәргән тикшеренеүгә ярашлы, республика лидеры һуңғы айҙа рейтингта 16-сы урынды яулаған. Былтыр декабрҙә – 21-се ине.

Әле Радий Хәбиров көслө йоғонтоло губернаторҙар даирәһенә инә. Рейтингтың тәүге өс баҫҡысында – Мәскәү мэры Сергей Собянин, Чечен Республикаһы башлығы Рамзан Ҡадиров, Татарстан Президенты Рөстәм Миңлеханов.