Дәүләт Йыйылышы – Ҡоролтай “Законды төҙөүҙә ҡатнаш” проектын тормошҡа ашыра. Башҡортостан халҡы федераль һәм республика ҡануниәтен камиллаштырыу йәһәтенән тәҡдимдәр индерә ала.– Проект һәр кешегә Рәсәй һәм Башҡортостан ҡануниәтенең социаль һәм иҡтисади өлкәләрен камиллаштырыу мөмкинлеген бирә, – тине Дәүләт Йыйылышы – Ҡоролтай Рәйесе Константин Толкачев. – Граждандың тәҡдиме әһәмиәтле тип табылһа, парламенттың профилле комитеты уның нигеҙендә закон проектын төҙөйәсәк. Республика халҡын эштә әүҙем ҡатнашырға саҡырам. Иҡтисадты, социаль өлкәне үҫтереү буйынса кәңәштәр көтәбеҙ.
Тәҡдимдәрҙе Дәүләт Йыйылышы – Ҡоролтайҙың http:gsrb.ru/ru/internet-reception/send сайты, [email protected] электрон почтаһы, йәки 450008, Өфө ҡалаһы, Зәки Вәлиди урамы, 46 адресы буйынса хат аша еткерергә мөмкин.