“Башҡортостан” гәзитенә әңгәмә биргәндә шулай тип белдерҙе Дәүләт Думаһы депутаты Зариф Байғусҡаров.

– Темәстә таш сығарыу тураһында беренсе тапҡыр 2016 йылдың авгусында белдем. Ул ваҡытта беҙ халыҡ менән һайлау буйынса осрашыуҙар үткәрә инек, – тине Зариф Закир улы. – Темәс халҡы: ”Таш сығарып, тәбиғәткә зыян килтерәләр”, – тип зарланды. Мин барып ҡарарға теләк белдергәс, был машинағыҙҙа үтә алмайһығыҙ, тинеләр. Карьерҙарға “Нива” автомобилендә юлландыҡ. Ә унда, ысынлап та, һуғыш үткән һымаҡ.

Ошо хәл-ваҡиғалар, ауыл халҡы мәнфәғәтен яҡлаған, ауған һәм ҡороған ағастарҙы бушлай алыуға рөхсәт биргән, урманды тергеҙеүгә булышлыҡ иткән, МФЦ, ФАП эшмәкәрлектәренә ҡағылған, эскелеккә ҡаршы булдырылған закондар хаҡында гәзитебеҙҙең алдағы һандарында уҡырһығыҙ.