Бөгөн Башҡортостанда 3 050 303 кеше Дәүләт Йыйылышы — Ҡоролтайға депутаттар һайлай. Стәрлетамаҡта иһә 205 117 һайлаусы теркәлгән.

Барлығы 114 һайлау участкаһы эшләй. Шулай уҡ һайлаусылар ваҡытлыса булған урындарҙа алты участка ойошторолған. Бөтәһе – 120 участка. БР Үҙәк һайлау комиссияһы ҡарары менән Стәрлетамаҡ ҡалаһы ҡала округының территориаль һайлау комиссияһына 23-сө Нахимов, 24-се Ольховка, 25-се Отрадовка, 27-се Шихан һайлау округтары буйынса эш алып барырға хоҡуҡ бирелгән.

82 участкаға беренсе тапҡыр һайлау бюллетендәрен эшкәртеү комплексы (КОИБ) ҡуйылған. Бындай комплекстар бюллетендәрҙе төшөрөү менән автоматик рәүештә тауышты иҫәпләп бара.