Башҡортостан Башлығы Рөстәм Хәмитов Иран Ислам республикаһы делегацияһын ҡабул итте. Осрашыуҙы асып, ул иң тәүҙә быйыл З. Биишева исемендәге “Китап” нәшриәтендә сыҡҡан, халыҡ шағиры тәржемә иткән Ғүмәр Хәйәмдың башҡортса йыйынтығын Ирандың мәҙәниәт һәм Ислам бәйләнештәре ойошмаһы етәксеһе Эбраһими Әбүзәргә бүләк итте һәм ике төбәктең үҙ-ара хеҙмәттәшлеге тап мәҙәни, әҙәби, рухи өлкәлә дауам итәсәгенә баҫым яһаны.