Өфөләге ШОС һәм БРИКС саммиттарында Рәсәйҙең Федераль таможня хеҙмәте Ҡытайҙың һәм Монголияның баш таможня идаралыҡтары етәкселәре менән осрашты.

Андрей Бельянинов, Юй Гуанчжоу һәм Цэнгэл Болд өс илдәге таможня хеҙ­мәт­тәренең үҙ-ара эш итеү мәсьәләләрен тик­шерҙе. “Йә­шел коридор” проектына ярашлы, тауар ха­ҡындағы мәғлүмәт менән алмашыуға айырым иғтибар бирелде. Осрашыуҙа ҡатна­шыу­сы­лар “Пограничный — Суйфэньхэ”, “Полтавка — Дуннин” пункттарында Рәсәйҙән Ҡытайға сығарылған урманға, шулай уҡ Ҡытайҙан Рә­сәй Федерацияһына индерелгән йәшелсә, еләк-емешкә таможня контроле һө­ҙөм­тәләрен үҙ-ара таныу проектына яҡынса йомғаҡ яһаны.
Таможня хеҙмәттәре етәкселәре был көн­дө сауҙаны үҫтереү йәһәтенән уңайлы шарттар булдырыу тураһындағы мемо­ран­думға ҡул ҡуйҙы. Документ хеҙмәттәшлектең төп йүнәлештәрен билдәләй.