Өфөлә Башҡортостан Башлығы Рөстәм Хәмитов Тажикстан Президенты Эмомали Рахмон менән осрашты. Яҡтар иҡтисади, фәнни һәм мәҙәни хеҙмәттәшлекте үҫтереү мәсьәләләрен, төбәк-ара бәйләнеште нығытыу мөмкинлектәрен тикшерҙе.

Осрашыу башланыр алдынан Рөстәм Хәмитов менән Эмомали Рахмон ХХ быуат Тажикстан рәссамдары картиналарынан төҙөлгән “Таулы төбәктең һынлы сәнғәт хазинаһы. Тажикстан. ШОС киңлеге” тигән күргәҙмәне ҡарап сыҡты. Ул Ирандың Рәсәйҙәге илселеге башланғысы менән ойошторолған. Күргәҙмәгә Рәсәйҙәге шәхси коллекциянан 300-ҙән ашыу экспонат ҡуйылған.
Рөстәм Хәмитов әйтеүенсә, Башҡорт­остан менән Тажикстан араһындағы тыш­ҡы иҡти­сади эшмәкәрлек йылдамыраҡ үҫе­шергә тейеш. Ул республиканың Тажикстан төбәк­тәре менән дуҫлыҡты һәм хеҙмәттәшлекте үҫтерергә әҙер булыуын белдерҙе.
Үҙ сиратында Эмомали Рахмон Тажик­стандың Өфөләге генераль консуллығына даими ярҙам күрһәткән өсөн Башҡортостан Башлығына рәхмәт белдерҙе. Уның әйте­үенсә, Рәсәй төбәктәре менән хеҙмәттәш­лекте үҫтереүҙе Тажикстан ике илдең стратегик партнерлығындағы мөһим өлөш булараҡ ҡабул итә.