ШОС һәм БРИКС саммиттары алдынан Рөстәм Хәмитов “Ведомос­ти” гәзитенә ҙур интервью бирҙе.

Республика Башлығы билдәләүенсә, төбәгебеҙ — яҡшылар иҫәбендә: бурыс аҙ, тәүге биш ай эсендә һалым кереме йылдам артҡан, инвестиция үҫеше насар түгел. Әммә бындай күрһәткестәр тотороҡлолоҡ­то һаҡларға булышлыҡ итһә лә, беҙ теләгәнсә әүҙем һәм ҡеүәтле үҫеш бирмәй.
Саммиттарға әҙерләнеүгә сығым сиктән тыш ҙур түгел. “Республика ике миллиард һум, Рәсәй аэродромды реконструк­ция­лауға шул сама аҡса бүлде, эшҡыуарҙар ете ҡунаҡхана төҙөүгә 11 миллиард һум самаһы йүнәлтте. Дәүләт башлыҡтары осрашасаҡ Конгресс-холды реконструкциялау алдан уҡ күҙалланғайны, сөнки ул ярым буш торҙо, үҙ тәғәйенләнешен үтә­мәне. Хәҙер был бинала төрлө кимәлдәге сараларҙы үткәрергә мөмкин. Беҙ шулай уҡ юлдарҙы яңырттыҡ, фасадтарҙы һәм биналарҙы төҙөкләндерҙек, — тине төбәк етәксеһе. — Үткән осорҙан айырмалы, беҙ үҙ-үҙебеҙгә бикләнмәнек, шуға күрә һө­ҙөмтә лә насар түгел. Инвестиция буйынса тәүге тиҫтә төбәк иҫәбенә индек”.