Башҡортостан Башлығы Рөстәм Хәмитов республика Иҡтисади үҫеш министрлығының коллегия ултырышында сығыш яһаны. Сара барышында ведомствоның былтырғы эшенә йомғаҡ яһалды һәм яҡын киләсәккә бурыстары билдәләнде.

Төбәк Башлығы төп иҡтисади күрһәткес­тәрҙе әйтеп үтте, министрлыҡтың, Башҡортостан Хөкүмәтенең һуңғы дүрт йылда уңышлы эшләүен билдәләне. Рөстәм Хәмитовтың фекеренсә, иҡтисади үҫеште хеҙмәт етештереүсәнлегенең түбәнлеге, сәнәғәттә инновациялы продукция өлөшөнөң аҙ булыуы (4,5-5 %), Рәсәй һәм донъя баҙарҙарында беҙҙең тауарҙарҙың һүлпән һатылыуы тотҡарлай.