Республиканың Үҙәк һайлау комиссияһынан хәбәр итеүҙәренсә, Башҡортостан Президенты вазифаһына кандидаттар өсөн тауыш биргәндә һайлау бюллетендәрен эшкәртеү комплекстары ҡулланыласаҡ.
Комиссия ҡарарына ярашлы, бөтәһе 178 комплекс ғәмәлгә индерелә. Дәүләт Йыйылышы – Ҡоролтай депутатын өҫтәмә һайлау уҙғарылған Красный Холм округында һәм Межгорье ябыҡ административ-территориаль берәмегендә генә бындай ҡулайлама файҙаланылмаясаҡ. Әйткәндәй, бюллетендәрҙе эшкәртеү комплексы ҡуйылған участкаларҙа һайлаусылар һаны 500-ҙән кәм булмаҫҡа тейеш.
Быйылдан башлап бөтә һайлау участкалары үтә күренеүсән стационар һәм күсмә йәшниктәр менән йыһазландырылырға тейеш. Иҫке ағас йәшниктәрҙе ҡулланыу ҡануниәткә ҡаршы килә.