Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Халыҡ буш вәғәҙәләргә ышанмай
Рәсәйҙең Дәүләт Думаһына депутаттар һайлауға бер аҙнанан саҡ ҡына ашыуыраҡ ваҡыт ҡалды. Унда ҡатнашасаҡ сәйәси партиялар, бөтә тырышлығын һалып, үҙҙәрен рекламалай — халыҡҡа, һәр һайлау осорондағыса, тау-тау вәғәҙә яуа. Быға тиклем эшмәкәрлеге генә түгел, барлығы хаҡында ла күпселеккә бер ни мәғлүм булмаған партиялар ҙа әүҙемләште.
Мандат өсөн көрәшеүселәр араһында “виртуаль” фирҡәләр ҙә юҡ түгел. Улар рәсми теркәлгән, һайлау кампанияһы иғлан ителгәс, киң мәғлүмәт сараларындағы түләүһеҙ майҙандарҙа һәм бушлай эфирҙа ниндәйҙер программалары ла күренә башланы. Ә ысынында уларҙың аныҡ эш программаһы, сәйәси планы юҡ. Республикабыҙ һәм уның халҡы мәнфәғәтендә ни башҡарыуҙары тураһында мәғлүмәт тә билдәле түгел. Моғайын, булмаҫ та. Ундай партияларҙың маҡсаты Дәүләт Думаһына депутат булып барып ултырғас та үҙ кеҫәһен, үҙ мәнфәғәтен ҡайғырта башлау түгелме икән?
Көслө ораторҙар, матур һүҙҙәрен йәлләмәй, йәмғиәтебеҙҙәге иң ҡырҡыу мәсьәләләрҙе күтәрә. Һәр ваҡыттағыса, иң әүҙем ҡатламға — пенсионерҙарға һәм йәштәргә — баҫым яһала. Халыҡтың ошоға тиклем йыйылып килгән барлыҡ проблемаларын һайлау үткәндең иртәгәһенә үк хәл итергә вәғәҙәләй улар.
Граждандар араһында “мин һайлауға бармайым”, “минең тауышым бер ниҙе лә хәл итмәй” тип төшөнкөлөккә бирелеүселәр барлығы борсоуға һала. Кемгәлер үсләшеп, һайлауҙы инҡар итергә теләүселәр ҙә юҡ түгел. Ундайҙарға шуны иҫтә тотоу кәрәк: һынау үтә лә китә, ә халыҡҡа артабан да ошонда йәшәргә, көндәлек мәсьәләләрҙе хәл итергә тура киләсәк. Шуға күрә, нисек тә булһа ваҡыт табып, гражданлыҡ бурысыңды үтәү зарур.
Ҡайһы бер фирҡәләрҙең һайлау алдынан ғына әүҙемләшеп алыуы һәм артабан вәғәҙәләрен үтәмәүе кешене тауыш биреү һөҙөмтәләренең дөрөҫлөгөндә шикләнергә, сәйәсмәндәрҙең һүҙҙәренә ышанмаҫҡа мәжбүр итә. Беҙ гәзит уҡыусыларҙың ошо хаҡта фекер уртаҡлашыуын һораныҡ.

Әмир ШАМАЕВ, иҡтисад һәм медицина фәндәре докторы, академик:
— Беҙҙең ғаилә һайлауҙа һәр саҡ әүҙем булды. Бер ҡасан да уны ҡалдырғаныбыҙ юҡ. Һайлау алдынан бирелгән тау-тау вәғәҙәләргә өйрәнеп бөттөк инде. Минеңсә, халыҡ тормошо яҡшырһын өсөн сәйәсәттә ниндәйҙер дәғүәселек булырға тейеш. Дәүләт Думаһына төрлө партия вәкилдәре үткән хәлдә генә депутаттар үҙ-ара ярышып эшләйәсәк. Шулай ҙа “исем өсөн”, “төрлөлөк хаҡына” йәки “ҡыҙыҡ өсөн” тип тауыш бирергә ярамай, әлбиттә.

Шәфҡәт РӨСТӘМОВ, хеҙмәт ветераны, пенсионер:
— Мин — күпте күргән, оҙаҡ йәшәгән кеше. Үҙ ғүмеремдә бик күп һайлауҙа ҡатнашырға тура килде. Тауыш биреү алдынан сәйәсмәндәрҙең маҡсаттарына өлгәшер өсөн буш вәғәҙәләр биреүҙән тартынмағанын барыбыҙ ҙа белә. Берәү элегерәк араҡының хаҡын 3 һум 60 тингәсә төшөрәм тип байтаҡ мәрәй йыйғайны, хәҙер үҙенең программаһында “ҡоро закон” иғлан итеү менән “янай”. Ошоларға ҡарап һығымта яһайым да инде. Әле бына һайлауҙың иртәгәһенә үк пенсияны күтәрәм тип алдаштырыусылар бар. Ә бит уларҙың абруйы ла, яҡшы кадрҙары ла юҡ. Власть иһә үҙ вәғәҙәләрен барыбер үтәй. Аҡылы булған һәр кеше быны аңлайҙыр.

Рита ИСЛАМБАЕВА, студент:
— Кем өсөн тауыш биреремде әллә ҡасандан хәл итеп ҡуйғанмын. Беҙ бит һуҡыр йә һаңғырау түгел, кемдең нисек эшләүен күреп-ишетеп торабыҙ. Дөрөҫөн генә әйткәндә, республикалағы күп партияларҙың ни менән шөғөлләнеүен, уларҙың етәкселәрен дә белмәйем. Һайлау алдынан ғына саң ҡағып йөрөүҙәре бер ниндәй ҙә файҙа бирмәйәсәк.
Миләүшә ЯҠУПОВА.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Китте... Икмәк, ит етештереүҙе хәстәрләп китте

Китте... Икмәк, ит етештереүҙе хәстәрләп китте 29.03.2019 // Сәйәсәт

Бөгөн Көйөргәҙе район Советы депутаттары хакимиәт башлығы Әхәт Ҡотләхмәтовтың отставкаһын ҡабул...

Тотош уҡырға 1 271

Медведевтан ярҙам көтәбеҙ

Медведевтан ярҙам көтәбеҙ 29.03.2019 // Сәйәсәт

Башҡортостан парламенты депутаттары социаль туҡланыу, айырыуса мәктәптәрҙә, балалар баҡсаларында...

Тотош уҡырға 1 235

Дәүләт-хоҡуҡ идаралығын кем етәкләй?

Дәүләт-хоҡуҡ идаралығын кем етәкләй? 28.03.2019 // Сәйәсәт

Башҡортостан Республикаһы Башлығының Дәүләт-хоҡуҡ идаралығы начальнигы итеп Азат Ғәлин...

Тотош уҡырға 1 303

Идаралыҡта – яңы етәксе

Идаралыҡта – яңы етәксе 28.03.2019 // Сәйәсәт

Искәндәр Әхмәтвәлиев Башҡортостан Башлығының Муниципаль берәмектәр менән эш итеү идаралығы...

Тотош уҡырға 1 321

Яңы вәкил тәғәйенләнде

Яңы вәкил тәғәйенләнде 28.03.2019 // Сәйәсәт

Башҡортостан Республикаһы Башлығының Дәүләт Йыйылышы – Ҡоролтайҙағы тулы хоҡуҡлы вәкиле итеп...

Тотош уҡырға 1 230

Хәйҙәр Вәлиев китте

Хәйҙәр Вәлиев китте 28.03.2019 // Сәйәсәт

Бөгөн Башҡортостандың Үҙәк һайлау комиссияһы рәйесе Хәйҙәр Вәлиев ваҡытынан алда вазифаһын бушатты....

Тотош уҡырға 1 310

Килешеү төҙөлдө

Килешеү төҙөлдө 28.03.2019 // Сәйәсәт

Бешкәктә Башҡортостан Республикаһы Хөкүмәте менән Ҡырғыҙ Республикаһы Хөкүмәте араһында...

Тотош уҡырға 1 219

Хәбиров, Байғусҡаров, Беляев... тағы кемдәр?

Хәбиров, Байғусҡаров, Беляев... тағы кемдәр? 27.03.2019 // Сәйәсәт

Бөгөн Башҡортостанда “Берҙәм Рәсәй” партияһынан республика Башлығы вазифаһына кандидатуралар тәҡдим...

Тотош уҡырға 1 238

Йөҙ меңенсе кем?

Йөҙ меңенсе кем? 27.03.2019 // Сәйәсәт

Учалы ҡалаһы “Таусы” хоккей клубының спорт директоры Айрат Нурғәлиевкә “Берҙәм Рәсәй”ҙең...

Тотош уҡырға 1 299

Киров районы 100 йыллыҡты билдәләне

Киров районы 100 йыллыҡты билдәләне 25.03.2019 // Сәйәсәт

Республикабыҙҙың 100 йыллыҡ юбилейы айҡанлы Башҡортостанда байрам саралары дауам итә....

Тотош уҡырға 1 213

“Берҙәм Рәсәй”ҙәр кандидат тәҡдим итә

“Берҙәм Рәсәй”ҙәр кандидат тәҡдим итә 25.03.2019 // Сәйәсәт

27 мартта “Берҙәм Рәсәй” партияһы Башҡортостан Республикаһы Башлығы вазифаһына кандидатура тәҡдим...

Тотош уҡырға 1 097

Республикабыҙ 278 Советтар Союзы Геройын үҫтергән

Республикабыҙ 278 Советтар Союзы Геройын үҫтергән 23.03.2019 // Сәйәсәт

Байрам уңайынан тантаналы йыйылыштағы сығышында Башҡортостан етәксеһе Радий Хәбиров бер быуатлыҡ...

Тотош уҡырға 1 188