“Башҡортостан” гәзитенең 12 март һанына күҙәтеү

Бөгөнгө һандың 1-2-се биттәрендә Мәскәүҙә республикабыҙҙың 100 йыллығына бағышлап уҙғарылған “Башҡортостанда тыуғандар” тигән байрам концертынан репортаж бирелгән.

2-се биттә шулай уҡ Краснокама районы вәкилдәренең “Тарих биттәре” фестиваль-марафоны эстафетаһын нуримандарға тапшырыуы яҡтыртылған, мөһим яңылыҡтар урын алған.

3-сө биттә Ҡариҙел районында үткән Урман форумы тураһындағы аналитик мәҡәлә донъя күргән.

4-се биттә көнүҙәк мәсьәлә – баланы тәрбиәләүҙә педагогик-психологик ярҙам күрһәтеү темаһы күтәрелгән.

5-се биттә гәзит уҡыусы Баймаҡ районының Күсей мәктәбе тарихына үҙ ҡарашын тәҡдим иткән.

6-сы биттәге яҙмаларҙа ғаиләләге эскелек, ир менән ҡатын араһындағы көнләшеү хисе кеүек проблемалар яҡтыртылып, “Йәшәйеш” рубрикаһына берләштерелгән.

7-се биттә мәғлүмәти белдереүҙәр баҫылып сыҡҡан.

8-се биттә “Эй ултыра балыҡсы...” махсус сығарылышы донъя күргән.