— Быйыл көҙ өй туйларға ине, әле шуға ла тырышып ятҡан көнөбөҙ. Буш ваҡытыбыҙ булдымы, төҙөлөшкә йүгерәбеҙ, тиҙерәк үҙ усағыбыҙҙы тоҡандырырға уйлайбыҙ, — тип ҡаршы алды беҙҙе йорт хужаһы Илшат Билалов. — Шөкөр, хәҙер материалдарға элекке кеүек ҡытлыҡ юҡ, магазинда йәнең ни теләй, шуны һатып алаһың. Район үҙәгенең Йәштәр биҫтәһендә йорт күтәргән Гөлназ менән Илшат Билаловтарҙың, ысынлап та, ваҡыты юҡ: әле генә йөк машинаһы кирбесен ауҙарып китһә, икенсеһе иһә ярҙырылған таҡта алып килгән. Әммә улар был эште “ваҡ”ҡа һанай, ыҙалаһалар ҙа, үҙҙәре өсөн тырыша бит. Ана, һуңғы бер нисә йылда ғына күпме йәш ғаилә өй һалып ингән, тотош урам барлыҡҡа килгән. Борай ауылы ҡыҙы Гөлназ менән Яңы Таҙ ауылы егете Илшат 2001 йылда өйләнешә, бер-бер артлы Лилиана, Айһылыу һәм Наилә исемле ҡыҙҙары тыуа. Әлегә ғаилә Илшаттың әсәһендә йәшәй. — Ҡәйнәмдән уңдым, мәгәр, бер-беребеҙгә ауыр һүҙ әйтешкәнебеҙ булманы, ейәнсәрҙәрен өҙөлөп ярата, — ти Гөлназ. — Кәңәштәре менән дә ярҙам итә, ауыр саҡта йылы һүҙҙәрен дә йәлләмәй. Ҡәйнә кеше нисек кенә һәйбәт, яғымлы булмаһын, йәштәр үҙ мөйөшөн булдырыу хыялы менән йәшәй. Шуға ла район үҙәгенән йорт һалырға тип, 15 сутый ер алалар. Нигеҙен дә күтәрәләр, тик йәштәрҙең өйлө булыу
хыялына аҡса мәсьәләһе кәртә була. Әммә йәштәр төшөнкөлөккә бирелмәй, “ярай, ҡасан да булһа беҙгә бәхет йылмайыр әле”, тип, төҙөлөш материалдарына аҡса туплай. Район хакимиәтенә лә торлаҡ мәсьәләһен хәл итеүҙе һорап ғариза яҙалар. Уларҙың тырышлығы бушҡа булмай: 2010 йылда Билаловтар ғаиләһен “2013 йылдарға тиклем ауылды социаль үҫтереү” программаһына индерәләр. Әлбиттә, Гөлназ менән Илшаттың ҡыуанысының сиге булмай. Йәштәр күктән төшкән бер миллион һум аҡсаны фәҡәт төҙөлөшкә генә тотона. Бөгөн улар ҡарағайҙан бына тигән иркен, бейек йорт һалып бөтөп килә, әле биҙәкләү эштәре бара. Иҙән-түбә заманса материалдар менән ҡапланған, пластик тәҙрәләр ҙә өйгә нур, яҡтылыҡ өләшә. Газ үтәсәк йортта ваннаһы ла, бәҙрәфе лә ҡаралған. “Һәр кемебеҙҙең бүлмәһе буласаҡ, ҡурсаҡтар ҙа хәҙер йәшниктә йәшәмәйәсәк”, — тип ҡыуана ҡыҙҙар. Гөлназ — һөнәре буйынса уҡытыусы, Яңы Таҙ ауылында балалар уҡыта, Илшат иһә “Газсервис” яуаплылығы сикләнгән йәмғиәтендә слесарь булып эшләй.
— Быйыл көҙ өй туйларға ине, әле шуға ла тырышып ятҡан көнөбөҙ. Буш ваҡытыбыҙ булдымы, төҙөлөшкә йүгерәбеҙ, тиҙерәк үҙ усағыбыҙҙы тоҡандырырға уйлайбыҙ, — тип ҡаршы алды беҙҙе йорт хужаһы Илшат Билалов. — Шөкөр, хәҙер материалдарға элекке кеүек ҡытлыҡ юҡ, магазинда йәнең ни теләй, шуны һатып алаһың. Район үҙәгенең Йәштәр биҫтәһендә йорт күтәргән Гөлназ менән Илшат Билаловтарҙың, ысынлап та, ваҡыты юҡ: әле генә йөк машинаһы кирбесен ауҙарып китһә, икенсеһе иһә ярҙырылған таҡта алып килгән. Әммә улар был эште “ваҡ”ҡа һанай, ыҙалаһалар ҙа, үҙҙәре өсөн тырыша бит. Ана, һуңғы бер нисә йылда ғына күпме йәш ғаилә өй һалып ингән, тотош урам барлыҡҡа килгән. Борай ауылы ҡыҙы Гөлназ менән Яңы Таҙ ауылы егете Илшат 2001 йылда өйләнешә, бер-бер артлы Лилиана, Айһылыу һәм Наилә исемле ҡыҙҙары тыуа. Әлегә ғаилә Илшаттың әсәһендә йәшәй. — Ҡәйнәмдән уңдым, мәгәр, бер-беребеҙгә ауыр һүҙ әйтешкәнебеҙ булманы, ейәнсәрҙәрен өҙөлөп ярата, — ти Гөлназ. — Кәңәштәре менән дә ярҙам итә, ауыр саҡта йылы һүҙҙәрен дә йәлләмәй. Ҡәйнә кеше нисек кенә һәйбәт, яғымлы булмаһын, йәштәр үҙ мөйөшөн булдырыу хыялы менән йәшәй. Шуға ла район үҙәгенән йорт һалырға тип, 15 сутый ер алалар. Нигеҙен дә күтәрәләр, тик йәштәрҙең өйлө булыу 
хыялына аҡса мәсьәләһе кәртә була. Әммә йәштәр төшөнкөлөккә бирелмәй, “ярай, ҡасан да булһа беҙгә бәхет йылмайыр әле”, тип, төҙөлөш материалдарына аҡса туплай. Район хакимиәтенә лә торлаҡ мәсьәләһен хәл итеүҙе һорап ғариза яҙалар. Уларҙың тырышлығы бушҡа булмай: 2010 йылда Билаловтар ғаиләһен “2013 йылдарға тиклем ауылды социаль үҫтереү” программаһына индерәләр. Әлбиттә, Гөлназ менән Илшаттың ҡыуанысының сиге булмай. Йәштәр күктән төшкән бер миллион һум аҡсаны фәҡәт төҙөлөшкә генә тотона. Бөгөн улар ҡарағайҙан бына тигән иркен, бейек йорт һалып бөтөп килә, әле биҙәкләү эштәре бара. Иҙән-түбә заманса материалдар менән ҡапланған, пластик тәҙрәләр ҙә өйгә нур, яҡтылыҡ өләшә. Газ үтәсәк йортта ваннаһы ла, бәҙрәфе лә ҡаралған. “Һәр кемебеҙҙең бүлмәһе буласаҡ, ҡурсаҡтар ҙа хәҙер йәшниктә йәшәмәйәсәк”, — тип ҡыуана ҡыҙҙар. Гөлназ — һөнәре буйынса уҡытыусы, Яңы Таҙ ауылында балалар уҡыта, Илшат иһә “Газсервис” яуаплылығы сикләнгән йәмғиәтендә слесарь булып эшләй.