"Йылдың иң яҡшы китаптары-2013" конкурсы һөҙөмтәләре буйынса, "Китап" нәшриәте дәүләт һәм йәмәғәт ойошмаларының махсус дипломдары менән бүләкләнде.

Мәскәүҙәге немец мәғлүмәт китап үҙәге менән Рәсәй дәүләт балалар китапханаһы республикабыҙ нәшриәтенә немец, урыҫ, башҡорт телдәрендә ағалы-ҡустылы Гриммдарҙың "Перәник йорт" тип аталған әкиәттәр китабын сығарғаны өсөн награда тапшырҙы. "Урал мосолмандары көйҙәре һәм йырҙары" китабы иһә Көнсығыш дәүләт музейы бүләгенә лайыҡ булды.