Шишмәнең Элеватор урамында йәшәүселәр нисәмә йыл йонсоно: элек һалынған асфальт урынында соҡорҙар ғына тороп ҡалды. Ямғырлы көндәрҙә бысраҡ юлдан һәм ҙур-ҙур күләүектәр аша үтерлек түгел ине. Бигерәк тә балалы ғаиләләр ныҡ яфаланды.

Быйыл март айында ошо мәсьәләне хәл итеү өсөн үҙебеҙҙең депутат Илсур Ғимрановҡа мөрәжәғәт иттек. Ул үтенесебеҙҙе кире ҡаҡманы. Хәҙер яңы асфальт юлдан йөрөйбөҙ. Хатта подъезыбыҙға тиклем һалынған ул. Балаларыбыҙ кинәнеп роликта, велосипедта йөрөй. Кешеләр урамды тағы йәмләп, йорт ихаталарының алдына сәскәләр ултыртты. Беҙгә шатлыҡ бүләк иткәне өсөн Илсур Фәтхелбаян улына оло рәхмәтебеҙҙе еткерәбеҙ.