Башҡортостан Президенты Рөстәм Хәмитов “Башҡорт теле һәм әҙәбиәтенең йыл уҡытыусыһы” төбәк-ара конкурсы, “Башҡортостандың йыл уҡытыусыһы” республика конкурсы һәм уға ярашлы уҙғарылған “Урыҫ теле һәм әҙәбиәтенең йыл уҡытыусыһы”, “Татар теле һәм әҙәбиәтенең йыл уҡытыусыһы” бәйгеләре лауреаттарына республика Президенты премияларын биреү тураһындағы бойороҡҡа ҡул ҡуйҙы.
Был премиялар юғары педагогик оҫталыҡ, шәхестең үҫеше өсөн яҡшы шарттар булдырған, уҡытыу-тәрбиә эшенә заманса белем биреү технологияларын индергән өсөн иң яҡшы уҡытыусыларға тапшырыла. Башҡортостан Президентының бойороғо республикалағы хоҡуҡи мәғлүмәттәрҙең рәсми порталында баҫылып сыҡты.