Юғалған хәрби награданы эйәһенә тапшырырға ине. Ҡайҙа мөрәжәғәт итергә?

Бүләкләнгән кешеләрҙең исем-шәрифе, награда номерҙары тураһында бөтә мәғлүмәт Мәскәү өлкәһенең Подольск ҡалаһында, Оборона министрлығының Үҙәк архивында, һаҡлана. Тәүҙә үҙегеҙ йәшәгән райондағы хәрби комиссариатҡа мөрәжәғәт итегеҙ. Ундағы хеҙмәткәрҙәр архивҡа ғариза ебәрергә һәм һеҙҙең үтенескә яуап бирергә тейеш.