Миҙгел башынан республикабыҙҙа 3 407 кеше талпан һөжүменә дусар булды.

Роспотребнадзорҙың матбуғат хеҙмәте хәбәр итеүенсә, шуларҙың 31,5 проценты — балалар. Тикшерелгән 1 761 талпандың 101-енең энцефалит вирусына эйә булыуы асыҡланды. Благовар, Иглин һәм Ҡыйғы райондарының талпандан тешләнгән өс кешеһе дауаханаға оҙатылды. Вируслы энцефалитты йоҡтормау өсөн ябай һаҡланыу сараларын үтәргә саҡырабыҙ.