Баш ҡалабыҙ тауарҙарға һәм хеҙмәттәргә хаҡ менән йәшәү сифаты нисбәте буйынса Рәсәйҙең иң яҡшы ҡалалары рейтингында икенсе урынды яуланы. “Күсемһеҙ милек бюллетене” порталы ошо хаҡта хәбәр итә.

Рәсәй ҡалалары рейтингын Петербургтағы “Урбаника” территориаль планлаштырыу институты төҙөгән. Ул ҡала халҡының төп ихтыяждарын сағылдырған мәғлүмәттәрҙе үҙ эсенә ала.
Ҡалаларға баһа биреү технологияһы эксперт фекеренә түгел, ә статистика күрһәткестәренә нигеҙләнә. Рәсәйҙең иң ҙур 100 ҡалаһы рейтингында халыҡ һаны 170 меңдән ашыу кеше тәшкил иткән биләмәләр ҡатнаша. 68 ҡала — Федерация төбәктәре үҙәге, ҡалған 32-һе — икенсе кимәлдәге төбәк ҡалалары.