Ошо көндәрҙә Өфөләге барлыҡ фонтандар ҙа “ҡышҡы йоҡоһонан уянды”. Ҡояш та йылмайып ебәргәс, улар янында бала-саға йыйыла ла башланы. Салауат Юлаев һәйкәле эргәһендәге фонтандар ҡала халҡының иғтибарын айырыуса йәлеп итә, сөнки уларҙы былтыр көҙ үк төҫлө итеп эшләгәйнеләр. Ҡышҡы миҙгелдә туҡтап торғандан һуң был фонтандар, йәйғор төҫтәрен балҡытып, баш ҡалабыҙға йәм өҫтәп, тағы күккә атылды...