Заһир Исмәғилев исемендәге Өфө дәүләт сәнғәт академияһында – яңы етәксе. Юғары уҡыу йортоноң хеҙмәткәрҙәре һәм студенттары йыйылышында күпселек тауыш менән ректор вазифаһына Әминә Әсфәндиәрова һайланды.

Әминә Ибраһим ҡыҙы — сәнғәт фәне кандидаты, фортепиано кафедраһы профессоры, халыҡ мәғарифы отличнигы. Ул 1985 йылда Өфө дәүләт сәнғәт институтын тамамлаған, артабан Ҡазан дәүләт консерваторияһы ҡарамағындағы ассистентурала белемен камиллаштырған.
Әминә Әсфәндиәрова 2003 йылда музыка ғилеме һәм вокал-хор сәнғәте факультеты деканы итеп тәғәйенләнгәйне, 2007 йылдан алып академия ректорының белем биреү һәм тәрбиә эштәре буйынса урынбаҫары булды.