Башҡортостанда һәләтле балалар өсөн экология буйынса республика онлайн-олимпиадаһы башланды.

Сараны М. Аҡмулла исемендәге Башҡорт дәүләт педагогия университетындағы тәбиғәт-география факультетының ботаника, биоэкология, ландшафтлы проектлау кафедраһы, Өфөнөң Орджоникидзе районындағы экология-биология үҙәге ойоштора. Башҡортостандың Экологик порталында хәбәр ителеүенсә, конкурста IХ-ХI класс уҡыусылары ҡатнаша ала.
Олимпиада өс этаптан тора. Уларҙың тәүгеһендә уҡыусыларҙың үҙенсәлекле фекерләү кимәле, теоретик белемде ғәмәлдә ҡулланыуҙары баһаланасаҡ. Теоретик этапта балаларҙың экологик эрудицияһы тикшерелә. Артабан йомғаҡ яһала, уҡыусыларға бүләктәр тапшырыла. Онлайн-олимпиаданың тәүге этабы 1–30 мартта, икенсеһе 1–5 апрелдә уҙғарыла. Апрель-май айҙарында йомғаҡ яһау һәм еңеүселәрҙе бүләкләү күҙаллана. Сарала ҡатнашыу өсөн olimp.bspu.ru адресы буйынса теркәлергә кәрәк.