Рәсәй Федерацияһы Президенты Указы менән өлгәшелгән хеҙмәт уңыштары һәм оҙаҡ йылдар намыҫлы эшләгәне өсөн Иглин үҙәк район дауаханаһының Оло Тәләк врач амбулаторияһы табибы Теплова Гөлнара Вил ҡыҙы II дәрәжә “Ватан алдындағы хеҙмәттәре өсөн” орден миҙалы менән бүләкләнде; халыҡты социаль яҡлау өлкәһендәге хеҙмәттәре һәм оҙаҡ йылдар намыҫлы эшләгәне өсөн Башҡортостандағы Хеҙмәт һәм халыҡты социаль яҡлау министрлығының Өфө ҡалаһы Совет районы идаралығы начальнигы Шакиров Рәмил Шәрифйән улына “Рәсәй Федерацияһының атҡаҙанған халыҡты социаль яҡлау хеҙмәткәре” тигән маҡтаулы исем бирелде.

* * *
Башҡортостан Республикаһы Президенты Указына ярашлы, балалар һәм үҫмерҙәр өсөн әҙәбиәт һәм сәнғәт өлкәһендәге Һәҙиә Дәүләтшина исемендәге дәүләт премияһы “Һайланма әҫәрҙәр. II том” китабы өсөн яҙыусы Әлибаев Сафуан Әфтәх улына (Сафуан Әлибайға) бирелде.