Австралияның АВС радиостанцияһы алып барыусыһы Ричард Гловер иң оҙон интервью алғаны өсөн Гиннесстың рекордтар китабына индерелгән.
Ул йәкшәмбе, иртәнге 10-да яҙыусы Питер Фисраймонц менән әңгәмәләшә башлаған һәм һөйләшеү дүшәмбегә, иртәнге 10-ға тиклем дауам иткән. Һүҙ әҙиптең китаптары, спортҡа бәйле үткәне, балалары, радиола эшләп ҡарау тәжрибәһе һәм башҡа ғәмәлдәре хаҡында барған. Интервью Сиднейҙа, АВС радиостанцияһының төп офисында ойошторолған һәм интернет буйынса тура эфирҙа күрһәтелгән.