Яртылаш емерек майҙансыҡтар, ҡапҡасы ябылмаған канализация люктары, һалынып төшкән электр сымдары — торлаҡ йорттарҙың ихатаһында урынлашҡан ошо объекттарҙы Өфөлә балалар өсөн “тоҙаҡ” тиҙәр.

Халыҡтың ғаризаһы буйынса баш ҡала ихаталарында уларҙы ентекле тикшереү үткәрелде. Бер меңдән ашыу “тоҙаҡ” асыҡланды, һөҙөмтәлә йыл аҙағына тиклем 119 капиталь төҙөлөш объекты ҡаралды. Торлаҡ предприятиелары тырышлығы менән 372 балалар ҡорамалы төҙөкләндерелде, 581-е хәүефһеҙлек талаптарына яуап бирмәү сәбәпле ғәмәлдән сығарылды.