Алыҫ Көнсығыш федераль округы Рәсәйҙә наркомандар һаны буйынса беренсе урынды биләй. Бында 100 мең кешегә 513 наркоман тура килә, рәсми теркәлгән сирлеләрҙең һаны – 32 мең кеше.
Уларҙың 32 проценты каннабис төркөмөнә ҡараған (гашиш, марихуана) матдәләр ҡуллана, был илдәге дөйөм күрһәткестән биш тапҡырға артыҡ.
Рәсәй буйынса 100 мең кешегә 383 наркотик матдә ҡулланыусы тура килә. Алыҫ Көнсығышта үҙҙәрен "аҡ үлем"гә дусар итеүселәрҙең күплеген иһә белгестәр һау-сәләмәт халыҡтың был төпкөлдән күсеп китеүе, шулай ук киндерҙең күп үҫеүе менән аңлата.