Бөгөн Башҡортостандың Милли музейында "Көс һәм намыҫ. Һуғыш сәнғәтенең йөҙ быуаты" тип аталған күргәҙмә асыла. Унда тамашасыларға һалҡын һәм утлы ҡорал коллекцияһы тәҡдим ителәсәк. Экспозицияға 200-ҙән ашыу әйбер ҡуйылған.
Бында ҡоралдың иң боронғо төрҙәренән алып Бөйөк Ватан һуғышы йылдарында ҡулланылғандарына тиклем күрергә мөмкин. Таш балта, уҡ остары, бысаҡ, ҡылыс, һөңгө кеүек археологик табыштар ҡыҙыҡһыныу тыуҙырасаҡ, шулай уҡ винтовка, пистолеттарҙың да төрлөһөн ҡарарға мөмкин.