“Асылыкүл” тәбиғәт паркы дирекцияһы ғалимдар менән берлектә биләмәне төҙөкләндереү һәм йыһазландырыу буйынса генераль план схемаһын эшләй. Ул быйыл июндә тамамланырға тейеш.

Документ экология туризмын үҫтереү буйынса сараларҙы билдәләү мөмкинлеген бирәсәк.
— Парк инфраструктураһын үҫемлектәр һәм хайуандар донъяһына зыян килтермәҫлек итеп ойоштороу зарур, — тине Башҡортостандың тәбиғәттән файҙаланыу һәм экология министры Ильдар Һаҙыев “Йәмәғәт электрон гәзите”ндәге онлайн-конференцияла. — Инвесторҙар йәлеп итеүгә килгәндә, “Асылыкүл” тәбиғәт паркын үҫтереү буйынса аныҡ проекттарыбыҙ бар. Генераль план схемаһы раҫланғандан һуң, уларҙы ентекле тикшереп, тормошҡа ашырасаҡбыҙ.