Мәғлүм булыуынса, йылан тиреһен даими алмаштыра. Бик үҙенсәлекле йән эйәһе ул. Шуға күрә уға ярашлы кейенеү ҙә кәрәк.

Яңы йылды иҫке кейемдә ҡаршыламағыҙ. Ҡатын-ҡыҙҙың ялтырауыҡлы, күрмәлекле кейем-һалымды һайлауы яҡшы. Әлбиттә, затлылығы, ҡиммәтлелеге мотлаҡ түгел. Иң мөһиме — килешле, матур һәм зауыҡлы күренһен.
Ир-атҡа бер нисә төр туҡыманан тегелгән йәки бәйләнгән (йөн свитер йәки джинсы булған хәлдә лә) кейем тәҡдим ителә. Аксессуар менән байытыу ҙа зарур. Фасонын үҙегеҙ һайлай алаһығыҙ. Иң мөһиме — төҫ.
Йылан затлы таштар ярата (бигерәк тә быуындан-быуынға күсә килгәндәрен). Мөмкинлегегеҙгә ҡарап, йылан формаһындағы беләҙек тә тағығыҙ. Аяҡ кейеменә лә иғтибар бүлегеҙ. Йыл хакимын йылан тиреһенә оҡшаш материалдан тегелгән (йәки ҡара тиренән, замшанан) туфли ҙә һөйөндөрә.