Тиҙҙән — Яңы йыл. Ә күңел күтәрерлек сараларһыҙ, ихлас теләктәрһеҙ ниндәй байрам булһын?! Яҡындарығыҙға һәм дуҫтарығыҙға бүләк хәстәрләү кәрәклеге тураһында ла уйлана башлағанһығыҙҙыр, моғайын. Өр-яңы йылда иҫтә ҡалырлыҡ, күңелдәренә хуш килерлек нимә бүләк итәйем тип оҙон-оҙаҡ баш ватмағыҙ, ошо квитанцияны тултырып, “Башҡортостан”ға яҙҙырһағыҙ, һис тә отолмаҫһығыҙ. Ул сағында атай-әсәйегеҙ, туғандарығыҙ, һөйгәндәрегеҙ киләһе йылдың тәүге яртыһында баҫмабыҙҙы уҡып кинәнер, һәр һанын ҡулдарына алғанда бүләгегеҙ өсөн рәхмәт тойғоһо менән һеҙҙе иҫкә төшөрөр.