“Звезда” федераль телеканалы “Антитеррор” тип аталған документаль телесериал күрһәтә башланы. Фильм көн һайын Мәскәү ваҡыты менән 13 сәғәт 15 минутта эфирға сыға.

Тәүге серияла “Сапсан” поезын шартлатырға йыйынған дүрт террорсы тураһында һүҙ барҙы. Мәскәү менән Санкт-Петербург ҡалалары араһында йөрөгән был поезды юҡ итергә йыйынған енәйәтселәрҙе Федераль именлек хеҙмәтенең ваҡытында күрелгән саралары арҡаһында ҡулға алып өлгөрҙөләр.
Цикл Рәсәй Федерацияһында терроризмға ҡаршы мәғлүмәти көрәштең комплекслы планын тормошҡа ашырыуға ярашлы булдырылған. Фильмдың авторҙары халыҡ-ара терроризмдың нисек барлыҡҡа килеүе, терроризм һәм ислам араһында ниндәй бәйләнеш барлығы тураһындағы һорауҙарға яуап эҙләй.