Нефтекама ҡалаһының Ташкин ауылында стоматология кабинеты асыласаҡ. Быға тиклем ауыл халҡына теш дауалау өсөн Нефтекама ҡалаһына йөрөргә кәрәк булған, ә унда бушлай талон алыу өсөн халыҡ таңғы 5-тән сиратҡа тора башлай.
Ауыл халҡы стоматология кабинеты асыу мәсьәләһен йыш күтәргән. Ниһайәт, ошо көндәрҙә теш табибы эшләй башлаясаҡ. Фельдшер-акушерлыҡ пунктына кәрәкле йыһаздар алынған, бүлмәлә ремонт эшләнгән. Табип ҡаланан аҙнаһына өс тапҡыр килеп йөрөйәсәк.