Башҡортостан Республикаһы Президенты указдары менән “Салауатбыяла” асыҡ акционерҙар йәмғиәте хеҙмәткәрҙәре — ташсы Петров Александр Михайлович, башҡарма директор Токарев Валентин Дмитриевич — “Башҡортостан Республикаһындағы фиҙаҡәр хеҙмәте өсөн” отличие билдәһе, “Башинформсвязь” йәмғиәте хеҙмәткәрҙәре — юридик идаралыҡтың хоҡуҡи бүлеге начальнигы Пониткова Наталья Алексеевна, Стәрлебаш район элемтә узелының электр монтеры Бикмәев Вәкил Һәүбән улы Башҡортостан Республикаһының Почет грамотаһы менән бүләкләнде; техник файҙаланыу үҙәгенең төп инженеры Попович Ольга Михайловнаға, Белорет район-ара электр элемтәһе узелының өлкән электр механигы Проскурина Татьяна Михайловнаға “Башҡортостан Республикаһының атҡаҙанған элемтәсеһе” тигән маҡтаулы исем бирелде.