Интернет селтәрендә үҙенсәлекле проект донъя күрҙе — Шүлгәнташҡа хәҙер виртуаль сәйәхәт ҡылырға мөмкин.

Әле мәмерйәгә боронғо кешеләрҙең һүрәттәрен һаҡлап ҡалыу маҡсатында туристар индерелмәй. 300 метрлыҡ экскурсия маршрутында һүрәттәрҙең күсермәһен генә күрһәтәләр.
— Фотографтар 40 метр тәрәнлектәге ҡоҙоҡҡа төштө һәм яҡтыртҡыстар ҡуйҙы. Һөҙөмтәлә һүрәттәрҙең үҙен күрергә, шулай уҡ Шүлгән ер аҫты күленә һәм йылғаһына тиклем бөтә мәмерйә буйлап виртуаль сәйәхәт ҡылырға мөмкин, — тине “Башҡортостан” милли паркының бүлек мөдире Ольга Уткина. — Әлегә тиклем бер генә ҡурсаулыҡта ла бындай эштең башҡарылғаны юҡ ине.
Шүлгәнташ буйлап ҡурсаулыҡтың сайтында виртуаль сәфәр ҡылырға мөмкин. YouTube.com сайтында ла видеонан ҙур булмаған өҙөктө күрергә була.