Иртәгә Дмитрий Шостакович исемендәге Санкт-Петербург академия филармонияһында Владимир Спиваковтың Халыҡ-ара хәйриә фонды стипендиаттарының концерты була.

Башҡортостан Президенты Рөстәм Хәмитов ярҙамында ойошторолған тамашала Өфөнөң урта махсус музыка колледжында һәм П. Чайковский исемендәге Мәскәү дәүләт консерваторияһында белем алған яҡташтарыбыҙ сығыш яһаясаҡ.
Концертта республика, Бөтә Рәсәй, халыҡ-ара конкурстары лауреаттары ҡатнаша. Әйткәндәй, йәш музыканттар — Гөлназ Сәхибгәрәева, Олег Тузов, Асия Ғарипова, Дилара Иҙрисова, Булат Насиров, Искәндәр Ханнанов, Элиза Ханафина, Денис Хөсәйенов, Тимофей Владимиров, Кирилл Козлов үҙ һәләтен күптән танытып өлгөргән дә инде.