Башҡортостан Президенты Указы менән республикабыҙҙың Ҡатын-ҡыҙҙар союзы рәйесе Рәшиҙә Солтанова “Башҡортостан Республикаһындағы фиҙаҡәр хеҙмәте өсөн” отличие билдәһе менән бүләкләнде.

Рәшиҙә Солтанова Башҡортостан Республикаһының III саҡырылыш Дәүләт Йыйылышы — Ҡоролтай депутаты, Мәғариф, фән, мәҙәниәт, спорт, туризм һәм йәштәр эштәре буйынса даими комитет рәйесе урынбаҫары була. 1998 йылдың апрелендә “Башҡортостан Республикаһының Ҡатын-ҡыҙҙар союзы” йәмәғәт хәрәкәте рәйесе итеп һайлана.
Башҡортостан Республикаһының Йәмәғәт палатаһы ағзаһы. 2002–2009 йылдарҙа — “Берҙәм Рәсәй” партияһының Башҡортостан төбәк бүлексәһе президиумы, 2005 йылдан — Башҡортостан Эске эштәр министрлығы ҡарамағындағы Йәмәғәт советы ағзаһы.
“Башҡортостан Республикаһының атҡаҙанған мәҙәниәт хеҙмәткәре” тигән маҡтаулы исемгә эйә. “Хеҙмәт ветераны”, “Бөтә Рәсәй халыҡ иҫәбен алыуҙы үткәреүҙәге хеҙмәттәре өсөн” миҙалдары менән бүләкләнгән.