Минең исемем Лидиә. Өфөнөң 2-се башҡорт лицейы уҡыусыһымын.

Әле Мәсетле районының Ясин ауылында ял итәм. Өләсәйемдең янында шундай рәхәт. Һыу инәм, китап уҡыйым, бәпкәләрҙе ҡарайым. Өләсәйемдең ҡулы алтын, көнө-төнө эш менән булыша. Мин дә унан бешеренергә, ҡорот, эремсек яһарға өйрәндем. Бергәләп эшләһәң, тәмлерәк тә була икән!
Ҙурайғас, юрист булырға теләйем. Арымай-талмай эшләгән кешеләрҙең хоҡуҡтарын яҡлар инем. Айырыуса өлкән йәштәгеләрҙең. Ғүмере буйы тырышып хеҙмәт иткәс, хаҡлы ялда рәхәтләнеп йәшәргә тейеш бит улар. Ҙур, киң йортта, мул тормошта.