Әсәйебеҙгә яңыраҡ 80 йәш тулды. Ошо йәшкә еткән өлкәндәр өсөн льготалар ҡаралғанын ишеттек — пенсияға 1380 һум аҡса өҫтәлә икән.
Яңыраҡ ҡына хаҡлы ялға сыҡҡан апайыбыҙ уны тәрбиәләргә, ярҙам итергә ниәтләй. Айлыҡ компенсацияны уға тәғәйенләү мөмкинме?
Рәсәй Хөкүмәтенең 2007 йылдың 4 июнендәге 343-сө ҡарарына ярашлы, 80 йәшкә еткән өлкәндәрҙе тәрбиәләү буйынса айлыҡ түләүҙәрҙең Рәсәй биләмәһендә йәшәгән эшкә һәләтле, әммә эшләмәүсе кешегә тәғәйенләнеүе мөмкин.
Туғанлыҡ мөнәсәбәттәренең булыу-булмауы һәм оло кеше менән бергә йәшәү-йәшәмәү ҙә әһәмиәткә эйә түгел. “Хеҙмәт пенсиялары тураһында”ғы Федераль законға ярашлы, апайығыҙ 55 йәште уҙып, хаҡлы ялға сыҡҡан һәм ул эшкә һәләтһеҙ тип иҫәпләнә, тимәк, уға айлыҡ компенсация түләүҙәрен тәғәйенләмәйәсәктәр.