Башҡортостанда алдағы көндәрҙә плюс температураһы һәм епшек ҡар яуыуы көтөлә, тип фаразлай Башгидрометүҙәк синоптиктары.

Бөгөн, 12 ноябрҙә, урыны менән епшек ҡар һәм ҡар яуыуы көтөлә. Иртән юлдарҙың айырым участкаларында боҙлауыҡ. Ел көньяҡ-көнбайыштан талғын. Көндөҙ һауа -2, +3 градусҡаса йылына.

Йома, 13 ноябрҙә, бер аҙ епшек ҡар, айырым райондарҙа тимер сымдарҙа һәм ағастарҙа епшек ҡар ятыуы, юлдарҙа боҙлауыҡ көтөлә. Ел көньяҡ-көнбайыштан, көньяҡтан талғын. Төндә -1, -6°, аяҙытҡанда -11° тиклем һыуыта, көндөҙ -2, +3° булыуы фаразлана.