Районда дүрт байрам майҙансығы ойошторола.

Өфөнөң Калинин районында яңы йыл байрамдарына әҙерләнәләр. Райондың ойоштороу комитеты ултырышында шыршы ҡаласыҡтарын төҙөү һәм байрам сараларын үткәреү мәсьәләләре тикшерелде.

Элекке йылдарҙағы кеүек, районда ла дүрт ҙур байрам майҙансығы эшләйәсәк. «Моторҙар төҙөүсе» мәҙәниәт һарайы алдындағы майҙан, Инорс биҫтәһендә, Шакша биҫтәһендә һәм Яңы Максимовка биҫтәһендә.

Ҡаласыҡтарҙы биҙәү эштәре киләһе йылдың тематикаһына ярашлы башҡарыла. Уҙған ҡыш һауа шарттарына бәйле биҙәлештә аҙ ғына боҙ ҡулланылған – халыҡ быны аңлап ҡабул иткән һәм, ғөмүмән, ҡаласыҡтарҙы яҡшы баһалаған. Синоптиктар фаразлауынса, 2026 йылдың аҙағында былтырғы сценарий ҡабатланырға мөмкин.

«Нисек кенә булмаһын, коллегаларымды сифатлы һәм оператив эшкә көйләйем. Ҡаласыҡтар ҙа, ойошторолған саралар ҙа Калинин районы халҡы өсөн байрам мөхитен тыуҙырырға тейеш», — тип билдәләне район хакимиәте башлығы Ғәзизйән Әхмәтйәнов.