Республикала тотороҡһоҙ һауа торошо көтөлә: урыны менән ямғыр, епшек ҡар яуыуы ихтимал.

Башгидромет мәғлүмәттәре буйынса, бөгөн, 2 октябрҙә, бер аҙ ямғыр, урыны менән ҡар ҡатыш ямғыр яуыуы көтөлә. Ел төньяҡтан, төньяҡ-көнбайыштан, талғын. Һауа температураһы көндөҙ +4, +9°, көньяҡ-көнсығышта +14° тиклем.

Шәмбе, 3 октябрҙә, шулай уҡ ямғыр һәм епшек ҡар яуыуы фаразлана. Ҡайһы бер райондарҙа боҙлауыҡ булыуы мөмкин. Ел төньяҡтан, талғын, урыны менән көсәйеүсән. Төндә 0, -5° тиклем һыуыта, көндөҙ +3, +8°.

Йәкшәмбе, 4 октябрҙә, һалҡын һауа торошо һаҡлана: бер аҙ ямғыр һәм епшек ҡар яуыуы көтөлә, айырым райондарҙа — боҙлауыҡ. Ел төньяҡ-көнбайыштан, көнбайыштан, талғын, урыны менән көсәйеүсән. Һауа температураһы төндә 0, -5°, көндөҙ +3, +8°.