Билдәле йырсылар Илсиә Бәҙретдинова менән Әнүәр Нурғәлиев дуэт яҙҙырған

Билдәле йырсы Илсиә Бәҙретдинова тәүге тапҡыр Башҡортостандың халыҡ артисы Әнүәр Нурғәлиев менән дуэт йырлаған. Артистар «Һөйөү хаҡына» тигән йырға клипты социаль селтәргә һалған.

Клипта төп ролдәрҙе артистар үҙҙәре башҡара. Илсиә Бәҙретдинова һүҙҙәренсә, композицияла бер мөхәббәт тарихы тасуирлана.

«Һүҙҙән көслөрәк булған ысын хис-тойғоларға ышанған һәр кемгә бағышлана. Был йыр һеҙҙең бәләкәй генә һыйыныу урыны булһын, бында барыһы ла һүҙһеҙ ҙә аңлашыла», — ти йырсы.

Бынан алдараҡ йырсы Илсиә Бәҙретдинова шәхси тормошоноң һәм ижади уңыштарының серҙәрен асты.