Башҡортостанда хәрби хеҙмәткәрҙәрҙең ата-әсәләре МХО геройҙары хөрмәтенә мемориал төҙөгән

Благовар районының Иҫке Күсәрбай ауылында һәр кем өсөн изге урын барлыҡҡа килде. Махсус хәрби операция яугирҙәре Флорид Ғабдрахманов һәм Артур Хәйбрахмановтың ата-әсәләре хәрби бурысын үтәгәндә ғүмерен биргәндәр иҫтәлегенә мемориал төҙөгән. Геройҙарҙың хәтерен мәңгеләштереү тураһында муниципалитет хакимиәте хәбәр итә.

Улдарын юғалтҡан ата-әсәләр өсөн уларҙың батырлығы тураһында хәтерҙе һаҡлау бурыс ҡына түгел, ә намыҫ эше булып тора. Материалдарға һәм төҙөлөш эштәренә сығымдарҙы һәләк булған яугирҙәрҙең ғаиләләре һәм яҡындары тулыһынса үҙ өҫтөнә алған.

«Мемориал көс һәм хәтер урынына әүереләсәк. Туғандары, дуҫтары, класташтары һәм мәктәп уҡыусылары илебеҙ киләсәге өсөн яуҙа башын һалған яҡташтарыбыҙҙы бер минутлыҡ тынлыҡ менән иҫкә алырға киләсәк. Монумент тыныс тормоштоң ҡәҙерен һәм хәрби туғанлыҡтың ҡаҡшамаҫлығын онотмаҫҡа кәрәклеген иҫкәртеп торасаҡ», — тип белдерҙеләр муниципалитетта.