Башҡортостанда пилотһыҙ хәүеф режимы ғәмәлдән сығарылды

Башҡортостандың Ғәҙәттән тыш хәлдәр буйынса дәүләт комитетынан хәбәр итеүҙәренсә, республика биләмәһендә «Пилотһыҙ хәүеф» режимы бөтөрөлдө. Өфө аэропорты ла штат режимында эшләй. Хәтерегеҙгә төшөрәбеҙ, сикләүҙәр бөгөн иртәнге сәғәт 9 тирәһендә индерелгәйне.

Аэропорттың онлайн-табло мәғлүмәттәре буйынса, ошо ваҡыт эсендә Рәсәй һәм халыҡ-ара йүнәлештәр буйынса 17-гә яҡын рейс тотҡарланлы. Тағы ла 25-кә яҡын борт расписание буйынса Башҡортостандың баш ҡалаһына төшә алманы.