Башҡортостан эшҡыуары ит етештереүҙе үҫтереү өсөн субсидия алған

Шаран ауылынан Динар Ғәлимовтың ғаиләһе 25 йылдан ашыу ит деликатестары етештереү менән шөғөлләнә. Был эште ул тормош иптәше менән бергә ит һатыуҙан башлаған, ә бөгөн ыҫланған һәм ҡаҡланған ит ризыҡтары етештерә.

Продукция үҙ магазиндарында һатыла һәм республикала, унан ситтә ҙур һорау менән файҙалана. Эшҡыуар бәләкәй һәм урта эшҡыуарлыҡ субъекттарына ярҙам муниципаль программаһы сиктәрендә ҡорамалдар һатып алыуға сығымдарҙың бер өлөшөнә компенсация алған.

Продукцияның сифаты бер нисә тапҡыр наградалар менән билдәләнгән. 2024 йылда изделиелар «Беҙҙең бренд» күргәҙмәһендә алтын миҙалға лайыҡ булһа, Динар Ғәлимов үҙе «Йыл эшҡыуары» муниципаль конкурсының «Иң яҡшы ғаилә эшҡыуары» номинацияһында еңеү яулаған, тип яҙалар «Бәйләнештә» Радий Хәбировтың бизнес менән аралашыу төркөмөндә.