Республикаға идара итеү үҙәге 8 бала тәрбиәләүсе ғаилә тураһында һөйләне

Баймаҡ районынан Земфира һәм Биктимер Рәжәповтар Башҡортостандың Республикаға идара итеү үҙәге проектының һәм БСТ телеканалының «Беҙҙең ғорурлыҡ» тип аталған яңы сығарылышының геройҙары булды. Ғаилә 8 бала үҫтерә, уларҙа ололарға ҡарата ихтирам һәм Ватанға һөйөү тойғоһо тәрбиәләй.

Рәсәй Президенты Владимир Путин Рәжәповтарҙы уҙған йылдың йәйендә «Ата-әсәлек даны» ордены менән бүләкләне. Ғаиләгә награданы республика етәксеһе Радий Хәбиров тапшырҙы.