Уларҙың ғаиләһендә малай тыуған.

Кисә Белорет ЗАГС-ында Гүзәл һәм Русим Иҙрисовтар улдарының беренсе документын алды. Улар бишенсе тапҡыр ата-әсә булыу бәхетен татыған. 5 июндә донъяға килгән малайға Камил тип исем ҡушҡандар.

Республиканың Юстиция эштәре буйынса дәүләт комитетының матбуғат хеҙмәтенән хәбәр итеүҙәренсә, өлкән балалар Әмир, Ләйсән, Сәминә һәм Рәмзәндең ҡустыһы өсөн яуаплылыҡ барлыҡҡа килде.

Бынан алда Башинформ Ғафури районы ЗАГС-ында Йәрмиевтар ғаиләһендә дүртенсе бала тыуыуын теркәүҙәре тураһында хәбәр иткәйне.